NY ALAHELO ANAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY ALAHELO ANAONy alahelo anao,
tsy zakan'ny halavirana
ka avia re, afaho
itony sento manahirana.
Ny alahelo anao,
mamoha indray ny lasa
ka avia hazavao
fa misy foana ny kinasa.
Ny alahelo anao,
tsy manala ny fitiavako
ka avia anjakao
hamiratan'itony tavako.
Ny alahelo anao,
tsy manam-pahataperana
ka na inona atao
dia mbola manan-toerana.
Fredy JAOFERA
--------
Rohy:
