NY MASOANDRO (Fredy Jaofera)
Pas encore lu
(Nalaina tao amin'ny vetso.serasera.org)
NY MASOANDRONy masoandro rehefa hiseho
dia tonga hitara-pahazavana,
tsy hamerimberina ho toreo
ny andro lasa izay nialana.
Ny masoandro rehefa hiseho
dia hamirapiratra ny tanjona,
hamelombelona eo no ho eo
ny nofinofy mahatalanjona.
Ny masoandro rehefa hiseho
dia hampipoitra lamin-tsaina,
hampiainga ho azy 'tony feo
hihirahira tsy hay lazaina.
Ny masoandro rehefa hiseho
dia hitondra maro hafanana,
tsy azo ambara ho mankaleo
fa mbola hitory fahagagana.
Fredy JAOFERA
--------
Lien:
