NY MOZIKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY MOZIKARaha be ny ranomaso
fa tratran'ny an-kaso,
mihainoa re mozika
hamalifaly antsika.
Raha manana alahelo
toa ivezivezen'avelo,
alefaso izay mozika
kanto mahasariaka.
Raha malomalo-dava
tsy antenaina hisava,
ao ihany ny mozika
ho ora manjopiaka.
Raha mifoha ny ratra
ka mila hivatravatra,
ao foana ny mozika
misy hira azo adika.
Fredy JAOFERA
--------
Rohy:
Sokajy :
Fiononana - Fiaraha-monina - fiainana - fananarana - Eritreritra mandalo - embona - Alahelo - Aingam-panahy
