NY. NIOVA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
NY NIOVA





Ny niova dia ianao ihany
fa ny aty re dia tsy izany :
mivoy lava fitia sarobidy
izay anio toa tsy tadidy.



Ny niova dia ianao ihany
ka misento tsy hita lany
sy mangingina hafahafa
fa ny tantara dia voafafa.



Ny niova dia ianao ihany
ka nanadala ireo tomany,
tsy nampino ny dona azo,
nipoitra ho azy itony tazo.



Ny niova dia ianao ihany,
ny sainao moa dia efa any ;
redirediko eto ny mitanisa,
veloma re no ambara sisa.




Fredy JAOFERA
--------
Rohy:
89 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 19/01/2025 19:58
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2025 - page load 0.0146