NY SENTOKO (Fredy Jaofera)

NY SENTOKO





Raha sendra manjombona moa ilay any,
ahoana ny aty no tsy mba hangoraka ?
Raha sendra mijaly sy be tomany,
ny hatraty avy no toa voatoraka.





Raha sendra manorana ny any am-pita,
ahoana re ny aty no tsy mbola hiaro ?
Raha sendra misento ilay mba tsy hita,
ahoana tokoa aho no tsy hahatsiaro ?





Raha sendra midona ny any Ankaratra,
ahoana kosa ny aty no ho lavorary ?
Raha sendra ory ilay mba tsy taratra,
ahoana tokoa aho no tsy mbola harary ?






Fredy JAOFERA
--------