NY VADIKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY VADIKOVavaka iray no natokako ho antsika,
Vaovao ombieny sy mihatsara bika,
Vita tsianjery sy aina ao anaty,
Velona hatrany ka mbola soraty !
Ekena tanteraka ny fo miara-dia,
Eritreritra mandry sy efa tabiha ;
Ela ny ela ka ny tia sy ny tiana,
Endrey tafaray fa tojo fitahiana.
Ravaka soa tsy mba hanam-petra,
Raoziko mena handrava ny tsetra,
Rakotra ilaina andro aman'alina
Ra'hoe oriory sy misento lalina.
Ohatra hendry tsy tahaka an'irony,
Omena ny haja izay farany ambony ;
Omaly tsy anio ka izay anjarako,
Olona tokona hitondra ny anarako.
Fredy JAOFERA
--------
Rohy:
