NY ZAVATRA MARINA IRAY (Fredy Jaofera)

NY ZAVATRA MARINA IRAY





Ny zavatra marina iray
dia ianao re no fitiavako
haharitra mandrakizay,
aza hadinoina, rahavako.




Ny zavatra marina iray,
dia tsy maty akory ny lasa
fa mety averina indray
raha toa ka mbola mikasa.




Ny zavatra marina iray,
dia ianao foana no ilaiko
vao mafy ka mivaivay
ireo aloka na adin-tsaiko.




Ny zavatra marina iray
dia tsy miala ny toky nivoy
paradisa nampifandray
matoa ianao mba tsy foy !




Fredy JAOFERA
--------