OMENAO TSINY VE ?... (Fredy Jaofera)

OMENAO TSINY VE ?...



Omenao tsiny ve ny foko
raha tsy mitsahatra mitia
sa lazaina ho fahadisoako
ho tsy mahay manova dia ?



Omenao tsiny ve, ry tiako,
raha tia foana sy marary
sa ho anao no hafaliako
hiseho na hiharihary ?



Omenao tsiny ve, hoy aho,
sa ianao tsy te hahalala ?
Ketraka eto... Miitalaho
‘zato foko tsy te hiala !...



Raha saintsainina ny Lasa
be ny zavatra azo ambara,
tao ireo zava-nokinasa
tsy nirina ho tantara !



Fredy JAOFERA
--------