RAHA TSY TEO (Fredy Jaofera)

RAHA TSY TEO





Raha tsy teo ianao, ry Dada,
dia tsy nisy ahy akory ;
fa ho redireby nampirada
‘zao tany izay mitory !



Raha tsy teo ianao, ry Dada,
dia taiza no niankinana ?
Misaotra hatrany fa tsy sada
ny fitia sy fanambinana.



Raha tsy teo ianao, ry Dada,
Dia taiza no niantoraka ?
Koa aza tsiny raha toa lada
Ny arahaba feno tsoraka.



Raha tsy teo ianao, ry Dada,
ho inona no hoaviko ?
Angamba dia mbola nibada
sy mafy izay nodiaviko.




Fredy JAOFERA
--------