RAHOVIANA ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
RAHOVIANA ?...Rahoviana vao hohiraiko
ny hira tsara indrindra ?
Rahoviana no hantenaiko
'zay lamina sy rindra ?
Rahoviana vao hifarana
ny ady maro nampahosa ?
Rahoviana ho hasambarana
no hitobaka sy hiavosa ?
Rahoviana no handrotsy
'zany feon’ilay valiha ?
Rahoviana ho volafotsy
no handravaka ny dia ?
Rahoviana vao ho manga
'zay mba lanitra jerena ?
Rahoviana vao hitranga
ny haravoana sesehena ?
Fredy JAOFERA
(Antaninarenina, Alatsinainy 03 Oktobra 1983 amin'ny 13h07mn 52s)
--------
Rohy:
