REHEFA MANAN-DRANOMASO... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA MANAN-DRANOMASO...Rehefa manan-dranomaso,
miomàna handraraka azy
fa nanadala ny hasohaso
ka vaky hatramin'ny vazy.
Rehefa manan-dranomaso,
ho vetivety dia hikoriana
fa tsy azo atao : andraso
rehefa iharam-pahoriana.
Rehefa manan-dranomaso,
aza sakanana tsy hivoaka
fa avy hatrany dia alefaso
ho feno jaly izay hitsoaka.
Rehefa manan-dranomaso,
alaivo etoana ilay mosoara
ka fafao re fa itony ankaso,
manelingelina ny anjara.
Fredy JAOFERA
--------
Rohy:
Sokajy :
Ahy - Fisarahana - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
