REHEFA MBA NOELY... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA MBA NOELY...Rehefa mba Noely,
iza no tsy hiravo ?
Diniho fa ny anjely,
midera koa ny Avo.
Rehefa mba Noely,
iza no tsy hiova ?
Miredona sy miely
ny hira tsara lova.
Rehefa mba Noely,
iza no tsy hisaotra ?
F'i Jesoa zazakely
no io hampivoatra.
Rehefa mba Noely,
iza no tsy hivavaka ?
'Lay Kristy modely
no teraka sy ravaka.
Fredy JAOFERA
--------
Rohy:
