REHEFA MIALA AMINAO (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
REHEFA MIALA AMINAO





Rehefa miala aminao ny olona ratsy
dia mipoitra ho azy ny zavatra tsara,
ho tojo amin'izay rehefa atsy ho atsy
ny nofinofy maro tsy manam-piafara.




Rehefa miala aminao ny olona adala
dia mitoetra etoana ireo lamin-tsaina,
rindra daholo tsy mba manan-tsahala
ireo andro rehetra tsy hay tantaraina.




Rehefa miala aminao ny olona miady
dia fiadanana ery no tonga matetika,
hafaliana avokoa no tsapa mianjady,
zary fiainam-baovao nisy voatetika.




Rehefa miala aminao ny olona miebo
dia mahasoa avy izay lalan-kizorana,
tsy ananana intsony ny misalebolebo
fa tonga anjakan'ny tena fahatsorana.





Fredy JAOFERA
--------
Rohy:
385 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 20/11/2022 09:34
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0102