REHEFA TSY EO INDRINDRA IANAO... (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
REHEFA TSY EO INDRINDRA IANAO...





Rehefa tsy eo indrindra ianao
no tadidy hatrany amin'ny ady
ny fitiavana kendreko hihavao
efa nogohana ny mamy sahady.




Rehefa tsy eo indrindra ianao
no tsaroako misy babangoana
'reo minitra sy ora tsara natao
vazivazy na sangisangy foana.




Rehefa tsy eo indrindra ianao
no tsapa mitombo 'zay alahelo
ka na feno lahasa sy te hilalao,
misento ihany fa mamelovelo.




Rehefa tsy eo indrindra ianao
no mivadika ho andro ririnina
ny andro maro mila hankalao
fa tsy manana izay hofihinina.




Fredy JAOFERA
--------
Rohy:
422 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 23/10/2021 10:35
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0114