REHEFA TSY TIANAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA TSY TIANAO Rehefa tsy tianao
ny zavatra tiako,
aza asiana raorao
no fiangaviako.
Rehefa tsy tianao
izay hetahetako,
aza ambanina izao
tsy ho fiaretako.
Rehefa tsy tianao
ny tanjoko irery,
aza arahina fa sao
tsy hampahery.
Rehefa tsy tianao
ny sedra taloha,
mandehana, avelao
ho ahy eto aloha.
Fredy JAOFERA
--------
Rohy:
Sokajy :
Fisarahana - Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy - Fitiavana
