SOAMAHAMANINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
SOAMAHAMANINANy Sinoa indray ity no hita arovana
any Soamahamanina
ka ireto vahoakany fadiranovana
no mila ny ho fanina.
Ny Sinoa indray ity no mitrandraka
amin'itony tanintsika
ka ny masoko re no eto mivandraka
sy tonga mandriaka.
Ny Sinoa indray ity no mahazo soa
alohan'ny tompony
ka mila hisendoatra aho, lehiroa,
mahita ny fokony.
Ny Sinoa indray ity no mandranitra
ny Gasy samy gasy
ka 'tony korontana, ry Lanitra,
no nanimba ny lasy.
Fredy JAOFERA
--------
Rohy:
Sokajy :
Ady - Fiaraha-monina - Tanindrazana - Eritreritra mandalo - Alahelo - fiainana - Aingam-panahy
Mpakafy:
andryrandriamanantena
