SODOKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
SODOKASodokan’izato fitiavany
ka namoy ny akoho taman-trano
ianao vao indro ny tavany
nambabo ka tratran’ny angano.
Sodokan’izato tantarany
ka nesoina ny niaraha-nanangana
fa efa naniry ny anarany
raha tsisy haravoana mba niangana.
Sodokan’izato fijeriny
ka niroboka ho azy avy hatrany
fa nanana lava ny heriny
ka ahoana no mandatsa-tomany ?
Sodokan’irony nolazainy
ka revo toa tsy fantatra intsony
fa sady nampanantenainy
f’ianao, hono, no mamin‘ny fony.
Fredy JAOFERA
--------
Rohy:
