SORETRA (Fredy Jaofera)

SORETRA




Soretra aho manaraka
ny fiainam-pirenena ;
ny vola toa miraraka
fa be no mahonena.



Soretra aho mahita
mpatory anaty fako
mba maro no tafita,
f'ireto dia tsy bako.



Soretra aho mijery
mahantra lavareny;
topazo fa tsy miery
ny loto izay ekeny.



Soretra aho mahare
mpanendaka, ry lahy !
Hany raha mandeha,
toa manana ahiahy.



Soretra aho mamaky
'reo halatra sy vono ;
misy dia mahasaky
fa tsy mba honohono.



Soretra aho lazaina
ny fijaliam-bahoaka :
be nampantenaina
fa ory izay mivoaka.


.

Fredy JAOFERA
--------