TANTELY AN-TANAM-BOKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TANTELY AN-TANAM-BOKATantely an-tanam-boka,
tsara ihany fa mahatsiravina ;
ilaozako fa manodoka
ka aza taitra raha nolavina.
Tantely an-tanam-boka,
mamy ange fa mampihataka ;
tsy mila azy 'rony foka
ka hatraty avy tsy hangataka !
Tantely an-tanam-boka
soa iray fa manelingelina ;
nofinofy re ny higoka
vao misy fofona mihelina.
Tantely an-tanam-boka,
harena ery fa mahaketraka ;
aleoko ihany ny tsoka
no sokiriko eto mipetraka.
Fredy JAOFERA
--------
Rohy:
Sokajy :
tantara - fananarana - Fisarahana - Fiaraha-monina - Alahelo - Eritreritra mandalo - fiainana - Aingam-panahy
