TIAKO HOTIAVINA FOANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TIAKO HOTIAVINA FOANATiako hotiavina foana
iny voninkazo nanaitra,
na dia efa aman-taona
no any fa tsy haitraitra.
Tiako hotiavina foana
iny tsikitsiky navelany
hampisinda ny saona,
na nikopaka ny elany.
Tiako hotiavina foana
iny vazivazy fanaony,
na anio tsy tafahaona,
toy izany irony lalaony.
Tiako hotiavina foana
iny lasa nahafinaritra
fa dia nandavataona,
mamy izay tsy aritra.
Fredy JAOFERA
--------
Rohy:
Sokajy :
Embona - Ahy - Fahatsiarovana - Fananarana - Fiaraha-monina - Eritreritra mandalo - Fiainana - Aingam-panahy - Fitiavana
