TOERANA MISY... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TOERANA MISY...Toerana misy fitiavana,
mitory fahasambarana,
mampitranga ny avana
fa izay no fandaharana.
Toerana misy fiadanana,
milamina tsy mitsahatra
mbola azo ananganana
ilay rindra tiana hihatra.
Toerana misy hafaliana,
manamaina ranomaso,
manafoana fanahiana
ary mampisy torimaso.
Toerana misy fiarahana,
maniry fifankahazoana,
sady mbola ahafahana
tsy hahazo fisentoana.
Fredy JAOFERA
--------
Rohy:
Sokajy :
Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
