TONGA IRERY (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
TONGA IRERY




Tonga irery ny fahendrena
amin'ny alalan'ny fijaliana
fa tsy zavatra nambolena
vao nivoy fahamboniana.



Tonga irery ny fahendrena
amin'ny alalan'ny fitsapana
fa tsy nipoitra na nomena
vao nitoeran'ny hatsarana.



Tonga irery ny fahendrena
amin'ny alalan'ny traikefa
fa tsy misosoka noterena
vao tsaroana ho miantefa.



Tonga irery ny fahendrena
amin'ny alalan'ny fotoana
fa tsy mikiaka ho harena,
na rahoviana na ahoana ?




Fredy JAOFERA
--------
Rohy:
108 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 23/05/2023 18:21
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0848