TSANTA (Fredy Jaofera)
Pas encore lu
(Nalaina tao amin'ny vetso.serasera.org)
TSANTANy tsantan'ny fahakambotiana
no hirako indray eto am-bava
raha injao re ka mikoriana
'reo ranomaso eto an-tava !
Ny tsantan'ny fahatsiarovana
an'ireo sedra izay nisesisesy
ka imbetsaka nahatorovana
na indraindray aza naharesy.
Ny tsantan'ny fahabangana
tamin'zay fiainana an-tany
mbola tsy mora novahana
fony nampisento ny akany.
Ny tsantan'ny fahavoazana
mamolivoly ny lasa sy very
saika tsy tia fahombiazana
fa mamelona foana ny fery.
Fredy JAOFERA
--------
Lien:
Catégorie :
Fiononana - fiainana - fananarana - Fahatsiarovana - Eritreritra mandalo - Alahelo - Aingam-panahy
