TSIMBOTRY (Fredy Jaofera)

TSIMBOTRY






Tsimbotry niaraka ihany
ka adrisa vao nifanary
raha nandatsa-tomany
izy iny fa very voasary.



Tsimbotry niray hafaliana
ka adrisa mila ho fahavalo
raha ory sy be hakiviana
‘ty fony fa tsy afa-mikalo.



Tsimbotry malalany ianao
ka adrisa naleony nandeha
no vitan' izy iny tao ho ao
raha lavo sy trotraka ange !



Tsimbotry tsy foiny tokoa
ka adrisa niova ho vahiny
no toetra mahamenatra koa
narangan'iny olona iny !





Fredy JAOFERA
--------