TSISY FOTONY (Fredy Jaofera)
Pas encore lu
(Nalaina tao amin'ny vetso.serasera.org)
TSISY FOTONYHo anao, tsisy fotony
fa ho ahy, misy dikany
ny voady raha tokony
hokoloiko ny pikany.
Ho anao, tsisy fotony
fa ho ahy, misy lanjany
raha kanto ny lokony
mameno ny kianjany.
Ho anao, tsisy fotony
fa ho ahy misy mamy,
na io ny vokovokony
tsy iriko ny ho tamy !
Ho anao, tsisy fotony
fa ho ahy, misy saotra
hajaiko, na ny sokony
tsy avy hampitraotra.
Fredy JAOFERA
--------
Lien:
Catégorie :
Namana - ahy - fanantenana - Fiononana - Fiaraha-monina - Fisarahana - Fahatsiarovana - Alahelo - Eritreritra mandalo - fiainana
