TSY AFA-MIAINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
.TSY AFA-MIAINA
Ny trondro tsy afa-miaina
raha tsy misy rano :
itony andro tsy antenaina
ka manganohano.
Ny hazo dia tsy afa-miaina
raha tsy misy tany ;
ny alahelo tsy hay zaraina
ka misento ihany
Ny biby dia tsy afa-miaina
raha tsy misy ala ;
ny anio mahalasa saina
ka mampisalasala.
Ny tena dia tsy afa-miaina
raha tsy misy anao,
tsarovy foana isa-maraina,
n'inona n'inona atao.
Fredy JAOFERA
--------
Rohy:
