TSY AHOAKO (Fredy Jaofera)
Pas encore lu
(Nalaina tao amin'ny vetso.serasera.org)
TSY AHOAKOTsy ahoako ny halavirana
rehefa misy ny fitiavana,
mazam-be ny fifikirana,
toy izany ny finiavana.
Tsy ahoako ny harerahana
rehefa misy hasambarana,
tsy mba misy fanebahana
fa hafaliana azo ianarana.
Tsy ahoako ny hafanana
rehefa tanjona ny ho any
fa tsaroana mahatamana
sy feno tsiro tsy hita lany.
Tsy ahoako izay diavina
rehefa ambara fa fotoana,
ianao ange tsy azo lavina
sy mampiainga eto foana.
Fredy JAOFERA
--------
Lien:
Catégorie :
ahy - Fahatsiarovana - Eritreritra mandalo - Alahelo - fiainana - Aingam-panahy - Fitiavana
