TSY AZONAO VEROKA !... (Fredy Jaofera)
Pas encore lu
(Nalaina tao amin'ny vetso.serasera.org)
TSY AZONAO VEROKA !...Tsy azonao veroka
ny ady natrehiko
matoa nangeroka
ny lala-nalehako.
Tsy azonao veroka
ny sedra nahakivy
raha toa niberoka
efa ho in-tsivy !
Tsy azonao veroka
ny ratra nandreraka
nipoiran'ny deroka
hiova tanteraka.
Tsy azonao veroka
ny fahakambotiana
nanadala fa teboka
nisy taona tsy tiana.
Fredy JAOFERA
--------
Lien:
