You are here: home > Vetso

TSY HIANDRY - Fredy Jaofera

Azo vakiana?

TSY HIANDRY





Tsy hiandry ny volana
aho hanilo ’zato lalako
raha tsy izay ny sitrapony,
fa hikiry tsy hisy olana
hahazo izay fiadanako
sy ’zay ilaina hitony !…



Tsy hiandry ny kintana
aho hitarika ny tongotro
raha tsy izay no faniriany,
fa hisy foana ny vintana,
hoy ihany ireto molotro,
hampiravo, na tsy tiany !



Tsy hiandry ny vorona
aho hikalo ny tontolo
raha tsy izay no tigetra,
fa hiezaka ny hangorona
‘zay soa hamelom-bolo
angamba tsy hisy fetra !



Tsy hiandry anao
aho hahasambatra ahy
raha tsy izay no misy,
fa mainka aza handao
sy toa indro sahisahy
hitady indray ny lisy !




Fredy JAOFERA

Sokajy : Alahelo, Fitiavana

Hametraka hevitra

Midira aloha

Mombamomba

Mpanoratra : Fredy Jaofera


Nampiditra : 3004
Daty : 18/03/2009
Mpamangy : 493
Mankafy : 0

Tononkalo hafa

TAVANY
MOZIKA
NANEFY NY TOETRAKO
FITAFY
MIHIRA
REHEFA
HEHY
MAMOHA POETY
ADY MARO
TSY HO AZONAO NY FOKO