TSY HO RESY (Fredy Jaofera)

TSY HO RESY




Tsy ho resin'ny fotoana
'lay fitia hatramin'izay
fa mainka hampihaona
antsika aza hifandray.




Tsy ho resin'ny elanelana,
na mila ho singan-drery
fa hamelatra ny felana
hanamaina itony fery.



.
Tsy ho resin'ny ahiahy
mpandrebireby fatratra
fa hampitony ny fanahy
raha izao no tena lahatra.




Tsy ho resin'irony akanga
toa tsara loko sy manaitra
fa vao mainka hampiranga
'rony anjara tsy hita faitra.




Fredy JAOFERA

T
--------