TSY HOTENENIKO (Fredy Jaofera)
Pas encore lu
(Nalaina tao amin'ny vetso.serasera.org)
TSY HOTENENIKONa dia mamiko aza ianao,
tsy holazaiko, na dia kely,
tsy hoteneniko, hoe, andao
hifampitantana, ry anjely !
Satriko loatra fa tsy mora,
mahazo sedra ka voatery ;
fitia iray tsy ho goragora
no voatahiry sy rako-pery.
Mihatakataka fa tsy azo,
tsy vazivazy fa tsy mety ;
aleo mangina fa ny vazo,
na mody lasa dia mitety.
Aoka hipetraka ato anaty
izay mba tsapako taminao
fa diamondra mandramaty
mitondra fiainam-baovao.
Fredy JAOFERA
--------
Lien:
