TSY MAMAFA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSY MAMAFA




Tsy mamafa fahatsiarovana
rehefa nisy mamy nentiny
sy tsy tiana ho fahalovana
antenaina tsy hisy pentiny.



Tsy mamafa fahatsiarovana
rehefa sarobidy ny tantara
mbola satry foana harovana
ho harena hatrany am-para.



Tsy mamafa fahatsiarovana
rehefa nisy sedra mazana
ny taona maro nandalovana
nitondra teny fahavoazana.



Tsy mamafa fahatsiarovana
rehefa nisy aloka nandavo
tany ho any sy nahatorovana
ilay fo kely tsy mba niravo.




Fredy JAOFERA
--------
Rohy:
70 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 23/05/2024 21:58
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0937