TSY MANAN-TSAHALA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY MANAN-TSAHALA Tsy manan-tsahala
ny fitiavako anao
rehefa tsy mahalala
ka indro mihavao.
Tsy manan-tsahala
ny novolavolaina
ka jereo fa tsy miala
ny toky izay ilaina.
Tsy manan-tsahala
ny ainga mirona,
na dia be manadala
ny mbola milona.
Tsy manan-tsahala
ny vazo kaloina,
ny, hoe, mankahala
dia tsy koloina.
Fredy JAOFERA
--------
Rohy:
Sokajy :
Embona - Ahy - Fahatsiarovana - Fananarana - Eritreritra mandalo - Fiainana - Aingam-panahy - Fitiavana
