TSY MATY FA MATORY (Fredy Jaofera)

TSY MATY FA MATORY


(Ho fahatsiarovana an'i Georges ANDRIAMANANTENA na RADO )



Tsy maty fa matory
'ty poety ngezalahy,
fa any foana ka izory
'zao bitsika am-panahy.




Tsy maty fa matory,
hoy ny sanganasany
velombelona, mitory
eto ihany 'rony lasany.




Tsy maty fa matory,
hoy ny fahatsiarovana
miverimberina, mamory
'reny soany ka narovana.




Tsy maty fa matory,
hoy ny foko malahelo
tsy mba nahita akory
'zato izy, na tsy avelo.




Tsy maty fa matory,
hoy ny olona niteny,
tsy nivimbin-tsorisory
fa nanaja azy ombieny.





Fredy JAOFERA
--------