TSY NISY FAHOMBIAZANA... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY NISY FAHOMBIAZANA...Tsy nisy fahombiazana
raha tsy nisy fanesoana
teny ho eny notatazana
ka nahabe fisentoana.
Tsy nisy fahombiazana
raha tsy nisy fandatsana
teny re tsy nahamazana
tsy mba nety norarana.
Tsy nisy fahombiazana
raha tsy nisy faharesena
nahitana fahavoazana
mbola sarotra nekena.
Tsy nisy fahombiazana
raha tsy nisy fihemorana
nodidina hahangazana
ny tany kely nifotorana.
Fredy JAOFERA
--------
Rohy:
Sokajy :
Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
