TSY POROFOM-PITIAVANA (Fredy Jaofera)

TSY POROFOM-PITIAVANA





Tsy porofom-pitiavana,
na oviana na oviana
ny vava nataony,
fa mainka finiavana
hanome fijaliana
mba ho lalaony !




Tsy porofom-pitiavana
toa maharesy lahatra
ireo latsa sy fosa 
fa izay hahatongavana,
na saika tsy takatra
ho adalany kosa !




Tsy porofom-pitiavana
nitondra fiadanana
ny fanambaniany,
ka tsy nampihavana
na nananganana
an'ireo fitokiany.





Fredy JAOFERA
--------