TSY TAFALA (Fredy Jaofera)
Pas encore lu
(Nalaina tao amin'ny vetso.serasera.org)
TSY TAFALATsy tafala ny fahoriana
efa nampirotsa-tomany
raha toa ka olon-tiana
no nandao itony tany.
Tsy tafala ny fahoriana
nanadala hatramin'izay
raha mahazo fanaviana
eto ihany indraindray.
Tsy tafala ny fahoriana
nanelingelina ny taona
raha mamoha fihafiana
sy ireo ora nampisaona.
Tsy tafala ny fahoriana
tsy nahalalana havana
raha toa fangirifiriana
no misy eto goavana.
Fredy JAOFERA
--------
Lien:
Catégorie :
Fiononana - Fiaraha-monina - fiainana - Fahatsiarovana - Eritreritra mandalo - Alahelo - Aingam-panahy
