TSY TAO AN-TSAIKO INTSONY (Fredy Jaofera)
Pas encore lu
(Nalaina tao amin'ny vetso.serasera.org)
TSY TAO AN-TSAIKO INTSONYTsy tao an-tsaiko intsony
ny hifanatri-tava indray
raha ambony dia ambony
ny fahatairana voaray.
Tsy tao an-tsaiko intsony
ny mbola hahita anao
ka avia moa re, amorony
ilay hasambaram-bao.
Tsy tao an-tsaiko intsony
ny hifampiresaka eto
ka anio dia mba mamony
raozy mena ka raketo.
Tsy tao an-tsaiko intsony
ny hiaraka hikorana
ka itony vetsovetso itony,
tiavo ary aza ialana.
Fredy JAOFERA
--------
Lien:
Catégorie :
Fisarahana - Embona - Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
