TSY TONGA NY TORIMASO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY TONGA NY TORIMASOTsy tonga ny torimaso
amin'ny alina mangina,
kotsakotsa ireto maso
fa tsy dia fanahy iniana.
Tsy tonga ny torimaso
ka mihira ny hirantsika,
ny vaovao re, andefaso
fa oriory tsy hay adika.
Tsy tonga ny torimaso
ka misy fahatsiarovana
mahabe ny ranomaso
fa very mahatorovana.
Tsy tonga ny torimaso
fa mba tantara tsy vita
nasesiky ireny an-kaso
ny nitranga na ny hita.
Fredy JAOFERA
--------
Rohy:
Sokajy :
Fisarahana - Embona - Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
