FAHA ROAM-PITIAVANA (Zoky Eric)

Lasa saina aho anio, noho ianao ry malala
Kikivy sady ketraka, ka mila ho lasa adala.
Sa ve niverina ilay, olona talohako ?
Ilay tsy mba nahay nitia,ka dia nitsofohako.

Niverina nanambitamby,angaha izany fony ?
F'ilay fitiavantsika,tsita soritra intsony.
Ilay fitiavanareo,no nitamberina ao andoa
ka niverina nifankatia indray,ianareo roa.

Tena tianao mantsy, izy iny tany aloha
Izay notadiavinao, dia nomeny avokoa
Saingy azony izay nilainy,dia iny fa voafafa
Hadinony ianao ,ka nosoloiny olo-nkafa.

Hay izaho nataonao,fitaovana fotsiny
Nohentinao hanadinoana, ireo rotsirotsiny
Nataonao sarontava, tsy
ahitana ny anarany
Oroka sy safosafo,no hany mba sarany.

Atao ahoana moa ,fa izy
tao aloha
Hampiononiko ny saiko,fa sao harary fo
Ny fitiavanao ahy,toa tsy ahitako tombony.
ka aleoko fafana,fa fitia sombitsombiny.

Tsy ahitako fifaliana,tsy azahoako fy.
Atao ahoana moa,fa izaho ilay faharoam-pitia.
Ny voaloam-pitia mantsy, ekeko tsy voafafa.
Ka aleoko dia mionina,hanadino ireo lasa.
--------