You are here: home > Vetso

Mitoera ho madio - harylovah

Azo vakiana?

Fa misy loharano izay tsy azonao dikaina
Fa azy irery ihany
Arovany ho madio, fa antoky ny aina
Sy tokana aman-tany.
Miandry ilay fotoana izay hoe hifanekeny
Hanaovana voady,
Eo no hisantarany ilay zotra nokendreny:
Ny fiainan'ny Mpivady...

Ho anao ry tovolahy, ry Tovovavy koa:
Mitoera ho madio...
Aza mieritreritra fa tsy mba nahavoa,
Ny ratsy no fadio.
Ao ilay fotoana, ho avy antenaina
Hanaraka malala
Ho tena ho afa-po, ho miramiran-tsaina,
Fitiavana tsy miala...

'Zay tsiro iray minitra mandalo ihany ve
Dia hanimbana tena!?
Tsarovy fa ny miandry mivaly rehareha,
Manjary volamena...
Tsy manambany akory ireo sendra mba nania
Fa mafy ny filàna
Fa raha madio ianao no mizara ilay Fitia
Ho tsara fiafarana...


Harylovah [ Aogositra 2011)

Sokajy : fananarana, Fitiavana

Hevitra mandeha

harylovah (12/01/2012 12:15:36)

Anisan'ny fanomezana sarobidy azo omena ny olon-tiana ny Fahadiovana .Raha anananao izany dia tehirizo ho azy dia ho sambatra ianareo...

hasiniony (17/01/2012 16:15:29)

Dradrao fa ao aminao ilay fahaizana mandrafitra ireo talenta ho kanto...! Mankasitraka

gemaS (23/02/2012 09:23:55)

zan ka tena tononkalo!!!misaotra anao zay namorona fa tena tsara be sady mifono hafatra ho an'ny tanora ankehitriny izay tena tsy manaja intsony an'izany fahadiovana izany!!misaotra tompoko!!

Hametraka hevitra

Midira aloha