FO MOSARENA (Heriarilala Andriamamonjy)

Pas encore lu

Demander une lecture
(Nalaina tao amin'ny vetso.serasera.org)
FO MOSARENA

Malala a,
ny foko izao mangetana, haraka fanahy !
Ela niaretana fa lavitra an’ialahy.
Isan’alina isan’alina dia tena mahonena fa zara raha mahakimpy
Mandritra ny andro kosa tsy hita hojerena fa tena ilaozan-tsiky.

Tomany anao ny sandry mpahazo tsongotsongo sy te hosakambinina
Efa tsy mahandry, ny maso bongobongo, izaho te hofihinina
Ny loha izao marary fa efa elaela tsy niondana tan-tratra
Ny fo mijalijaly, fa ela tsy nahatazana ilay endrika mahazatra.

Mosarena tambitamby, noana teny mamy ny sofiko ankiroa
Mangetaheta tiana, te higoka tia ny doboky ny fo
Vokiso hafaliana, ho ampoka hasambarana, ho diavolana fanahy
Vontosy haravoana, ravaho fiadanana rehefa tonga ialahy.

Malala a,
ny foko izao mangetana, haraka fanahy
hiteraka aretina izao manirery izao, miavia malaky ialahy.
Ny saina manontany, fa mitady mafy anao hamoky fiadanana
hoe rahoviana ihany vao ho tonga ianao f’izaho ity mila namana.
Heriarilala 22/04/2022
--------
Lien:
Catégorie : Fitiavana
4 0
Ajouter un commentaire
Veuillez vous connecter
© Eugene Heriniaina - serasera.org 1999 - 2026 - page load 1.3823