Hanana ? (Heriarilala Andriamamonjy)

Hanana ?

Misy kibo miandrandra,
te hitondra sombinaina
Mba te hitondra tsy mihamba
Efa ela nitaraina.

Nanahy mafy teny foana
sao tsy hanana mpandimby
Raha avy ny fotoana
Moa hahay hisafidy ?

Horaisina ilay sarobidy
hitia irery sa hana-namana
Moa hitondra izany adidy
Ilay olona nahafaha-nanana ?

Misy kibo miandry fatratra
ny valin'ny fitia natao
Moa hiaina ka ho sambatra
Ary ny rainy tsy handao.

Heriarilala Andriamamonjy
22-03-25
--------