Mihetseha ry Sombinaina (Heriarilala Andriamamonjy)

Mihetseha ry Sombinaina

Mihetseha ry sombinaina
ho mari-pamantarana fa monina ao ianao
Ho mirana ny saina
raha misy marika avy hatrany henoko eto izao.

Mihetseha moa mihetseha
fa fifaliana mamy ny fananako anao,
efa maika aho ny hihomehy
te hitsikitsiky, ka mihetseha izao.

Mamy kely, sarobidy
tian'ny foko ho kilalao
tsy hatakalo, tsy hamidy
fa efa ahy tsotr'izao.

Any izao ny Dadanao
Efa te hanambitamby
Ianao mantsy aina vao
Efa mahate hisangy.

Heriarilala Andriamamonjy 24 mai 2025, 20:06
--------