Mitsitaika fitaika (Heriarilala Andriamamonjy)

MITSITAIKA FITAIKA

Mitsitaika am-poko any ny embona anao ry ilay tiana
Manaika ny foko hitomany
fa lavitra ny fifaliana
Hita fa sambatra mantsy ny anilanao vonton'oroka
Mahantra aho ity ka tsy tanty ; farofy tsy mety haroroka

Mitsitaika ny orana an-tany, mikoriana mivarina ho riaka
Ny foko re ngoly aoka izany, mahatsiaro ny fiarahantsika
Raha eto izao ianao mba iondanako dia ho tretrika kely ny fo
Fa irery aho izao ry malalako, singana sy te ho roa

Mitsitaika fitaika eny ihany ny embona anao ry ilay tiana
Mahatonga ny fo ho tomany fa lavitra ny fifaliana
Oriory fa lavi-malala, fanimpanina tsy mahita haleha
Ny eto efa iaraha-mahalala, fa sina sy lavitra hehy.

Heriarilala Andriamamonjy
13 Nov 23 17h23
--------