Tonga soa ry Sombinaina (Heriarilala Andriamamonjy)

Tonga soa ry Sombinaina

Tonga soa ry Sombinaina
ato an'efitranontsika
tato ianao no nokenaina
dia ato no mifankahita.

Fifaliana ho an'i Neny
ny fahatongavanao etoana
fahiny mantsy, tamin'ireny
ny tranoko nangina foana.

Ankehitriny ianao efa eto
mpitabataba ho fifaliana
nifarana àry izany sento
fa eo ny hiakanao mahaliana.

Nahazo namana i Neny
efa tsy irery intsony
angamba ianao rehefa miteny
dia tena ho mirana ny fony.

Tonga soa ry Sombinaina
ato an-trano kelintsika
ato ianao no kojaina
ato izao no paradisa.

Heriarilala 19-11-25 16:34
--------