Ao mitsiririta (Heriarilala Andriamamonjy)

Ao mitsiririta

Ao mitsiririta
fa ny antsika efa tsy ho hita !
Ekena, nisy nofy anao
nahatsiaro tia anao
Fa...
Ity no tsy azo lavina
nihelina, nanjavona !

Ao mitsiririta
fa tsy ianao no paradisa !
Ekena, naniry mafy anao
adala taminao
Fa...
Nihamatotra ny saina
Tsy ianao kay ilay ilaina !

Ao mitsiririta
Fa aza mila kisa
na mitady voa tsy ary
amin'ny toetra tsy manjary
Fa...
Fa fahiny ianao no tiana
ka ny foko efa nohidina.

Heriarilala 18 oktobra 2024 21:27
--------