NAMAKO IANAO (HERIMIKALO)

Namako ianao
Naman-tsy foy
Ireo rehetra fanao
Dia mbola mitohy
Tsy mba mifanary
Na inon-kidoana
Raha misy marary
Dia tonga tsy antsoina
Tsy iray tampo
Fa mpinamana ihany
Rehefa misy manjo
Mifampizara hatrany
Raha misy tsy mety
Dia io eo foana
Na korana na fety
Tsy mifidy fotoana
Mifanohana hatrany
Tsy mba mifandao
Raha latsa-tomany
Mamafa ianao
Rehefa sendra mitafa
Tsy te hisarak'izany
Nefa ilay masoandro efa lasa
Ka tsy maintsy hamonjy ny akany
Dia rahovina vao hiposak’indray
Ilay jiro fanazavan’ny tany
Mba hahitako ’lay namanay
Tsy lavitra fa akaiky ihany
Ka hirariana ho mandrakizay
Hifanohana sy hifanampy
Fa tsara ny roa noho ny iray
Ary sambatra izay mifanampy
--------