EFA-TAONA IZAY (IdealySoa)
Mbola tsisy niantsa
(Nalaina tao amin'ny vetso.serasera.org)
EFA-TAONA IZAY-Mitamberin’ilay andro,
Niarahantsika roa,
Mamirapiratra masoandro,
Mba mahatsiaro ihany koa.
-Tsy adinoko satria,
Fotoana iray mamintsika,
Nanirin’ilay fitia,
Nampafana ilay hatsiaka.
-Tsingerin-taona faha-efatra,
Raha ny taona no isaina,
Nizakàna ireo mavesatra,
Ny mamy koa tsy hay tanisaina.
-Fa maro ny olana nitranga,
Isika anefa, mijoro hatrany,
Saika vaky…, fa tsy banga,
Noho ilay fitiavana izany;
-Ny irina, ary apetraka amin’ny Ray,
Haharitr’ho mandrakizay,
Hitsingerina hatrany,
Hatramin’ny faran’ity tany.
IdealySoa (2007)
--------
Rohy:
Sokajy :
Fahatsiarovana
Hevitra mandeha
pisokelinah
(
06/12/2010 15:41)
tsara be!!!nenay 10 taona zay no lasa fa tena maro ny olana nitranga!nisy hatramin'ny fisarahan-toerana sy ny sisa saingy samy tsy kivy f aniezaka hatrany mbahanamafy ilay fitia!mirary soa e