' Teny gasy ?" (Ikala)
Mbola tsisy niantsa
(Nalaina tao amin'ny vetso.serasera.org)
Ny teniko mamy,tsy fahare eran-tany
fa toy ny mozika,
tena misioka !
Manaitra tokoa,
tsy manam-paharoa,
fa toa bitsibitsika
toa ritsodritsoka !
Miangolangola…
milantolanto…
izany izy izany !
moa va tsy kanto ?
Ampiko indray koa
ny teny hoe « ‘nareo roa “
sy ny teny hoe “fitia”
ary ny hoe “ ho doria » !
Ny teniko mamy,
tiako izy ‘zany !
Mahafatifaty, mahatàratara,
henoy koa anie ny hoe :
“masoandro sy anjara” !
Fa tiako ihany koa
ny teny hoe “soa”…
ary tsy latsak’izay,
ny hoe “anay”
ny hoe “vinavina”
ny hoe “tena tiana”…
Ary ny hoe “Anjely” ?
henoy kely fa tena mirimà
amin’ny teny hoe “tantely” !
Kanto ny teniko,
fa mampihira ny fo…
kanto ny teniko,
fa gasy tokoa !
Ikala (2011)
--------
Rohy:
Sokajy :
Tanindrazana
